Bi serk da hat kela zulmê
peyker hemî di herftîne
Temaşaken evê bezmê
ku em tevda di keyfîne
Şahî yo kê f û seyran in
Bê tirs di nivin êvariya
Bilbi l şeydayê gulan in
Pirr bi coşin li mêrg û bî ya
Evro şikest difna zordarî
Nifrîn li wan seddamî ya
Ku şîrê makerê xarî
Bin gorr bi ken Efleqiya
Hemî rojên me tazî bûn
Mirin hat bû derê xanî
Herdem axînk û gazî bûn
Hewar çû bûne asmanî
Jehr dibarî li buhara me
Gul di çirmisîn sihariya
Tev reş bi bû jiyara me
Bi bû tazî li van tevriya
Millet kir bû gola xwînê
Maf û wîjdan jî li bin piya
Kî dê saxket vê birînê
Veket tola tev gundiya
Veket tola şar û şaxa
An kanîkên berze kirîn
An jî tola dar û daxa
An zarokên Enfal kirîn
An jî tola van mişextên
Li tev cîhanê belav kirîn
An jî tola wan kotirên
Li ser hêlînê serjê kirîn
Belê çi bikem jiyar hoye
Bi bim gorî vî welatî
Dilê min şikest û pîr bûye
Bihara min direng hatî.
09/04/2003
Roja ketina Peykerê
Hitlerê Bexda
