Tembûrê lê tembûrê
Bejin zirav perde hûrê
Naziya dara goz û tûyê
Xweş deng û mûzîk rûyê
***
Dengê zavan û bûkan
Şêrîniya şelûl û çûkan
Awazên ciwan kew û kevokan
Axîna mirov û zarokan
Qîrîna bindest û hawara dayîkan
***
Tembûrê lê tembûrê
Têl zirav û perde hûrê
Diya gil û gaziyan
Dengê xizan û sêwiyan
Hestên evîndar û rêwiyan
Xemên koçberî û biyaniyan
Lorîna nexweş û jinebiyan
***
Tembûrê, riya me dûre
Pêşî geliye û delavek kûre
Xem û derdên ma tijî tûre
***
Tembûrê tu xweş tembûre
Şerîntirî, ji zurne û bilor û dahole
Ez û te, yek çem û çole
Çol û çema, bê sînore
Distirên, li dijî bindestî û dilên kore
Ji koletiyê re, dengê te gorê dikole
***
Tembûrê tu xweş buhare
Rengê gul û reyhane
Dengê xourtên xwandevane
Reqs û govend û dîlane
Ceng û xebat û şoreşvane
Lêdana te, xem revîna jiyane .. jiyane.
10 – 07 – 1996
