ژ ئەوێ رۆژێ
هەتا نۆکە
چەند هەلبەستێن
من چێکرین
ب تە گووتین
هەمی پێگڤە من دڕاندن
چەند ستڤانك
ژ بیداریا شەڤێن تاری
ل بەر روناهیا برویسییا
بو گەردەنێ
من ڤەهاندن
چەند قەلە رەش
ب هەردوو دەستا
م ژ ئاسمانێ
بێ ئومێدیا تە هەیت کرن
ئو فڕاندن
چەند ستێرێن من
ل ئاهەنگا
ڤان خەونێن خو
من کوم دکرن
ئو دجەماندن
چەند سۆپاێن
وان نەحەزێن
شەڤێن تاری
پرت پرت کرن و
ژ هەمی چەکا
من شەلاندن
بیرا م دهێت
ئەو هەردوو روی
تە ب رۆندکا
هەڕۆ د شویشتن
ئو دنماندن
ب وان ئاخینکا
دلێ دارو بەرا
تە دئینا جۆش
هەر ئێڤارا
دلێن نازك
تە دکەلاندن
هەر چار وەرزێن
ژیارا من
ب نێڕینەکێ
تە سیس کرن
تە چەراندن
ئاخفتن ل من
ببوون هەلبەست
ل بەر روناهیا
وان گووتنا
تە پڕچ شەدکر
جل دخەملاندن
تە دگووت وەز بووم
ئەڤیندارا
هەلبەستێن تە
چەند جارا تە
دکرنە ستران
ئو ب ئاوازا
تە درازاندن
هێشتا ئەو دەنگ
ێل بیرا من
پێ گەش دبوون
شەڤێن تاری
کاتێ چرا ڤەدمراندن
من چەند ستوینك
ل شانەشینا
بو تەختێ بەلقیس و زینا
بو دلێ تە
من نهاندن
ئەو ئاخینکێن پێت و گوڕی
چاوا ژسنگێ تە دەردکەتن
ددلێ خودا
من د حەواندن
لێ برینێن
دەڤ لێ ڤەبووی
د سینگێ من دا
تە کویر دکرن
هەر ب ئاخینکا
تە د کەواندن
ئەو شەنگستێن
مە نهاندین
کەڤرێن خوەڕست
کو نە دلڤین
تە لە قاندن
ئەو گووتێن
پڕ عەشق و ڤین
ێن هار و دین
من تێك د بەستن
دکرنە ستڤانك
ئو دگەردەنا
تە دئالاندن
رۆژ من ژ شەڤێ
جودا نەدکر
شەڤ من ب سپێدێ
رادگەهاندن
رۆندکێن سویر
من نە دهێلان
قەت ب سەرکەڤن
د کویراتیا
دلێ خودا
بەرزە دکرن
من دنڤاندن
ئەو ئێڤارێن
رەش و پۆتی
ب هۆزانا م گەش دکرن
تاری ژ وان
راتەقاندن
چەند جارا ل بەر
رۆناهیا
گەش دێمێ تە
ئەوێ هەیڤا
چاردە شەڤی
رێزك رێزك
مە ئەو ڤەددان
ئو مە دخاندن
هەمی پەیمان
تە دانە بای
بەرزەکرن
هەلوەشاندن
ئەو رۆژێن رەش
ێن پڕی هەش
من هەیت کرن
ل ژێر پییا
پەرچقاندن
ب گووت گووتکا
باوەر ناکەم
نەژی جاردن
تێم خاپاندن
ئەڤینا نوی
دڕك و داسی
ژ من دویر کرن
کەیف وشادی
ل من زڤڕاندن
کانیا هۆزانا ژنوی ڤەبوو
ئەو دەراڤێن
هاتین گرتن
پێگڤە ڤەکرن
ئو پەقاندن
شەڤ روهن بوون
تاری نەما
سپێدێ خوناڤ
ل سەر باقوفکا
تێ رەشاندن ٠
