Fîstanê te Kurdistanê
Nîne li ba gelên cîhanê
Û nejî welatên wan dilovanê
Ne bi xweşkiya xwe û nejî biderz û rengan lê ciwanê
Û ne bi dirûtin û nejî dabeşkirin û nejî bi wateyanê
Ev xemil û xêz diyarî te kirin xwedayê “Şemşûn” berî hezarsalanê
Çiya, deşt, gelî, gol, deriya, çem, robar, zêbar û keske zozanê
Jê girtin jinên Kurd reng û şêweyê fîstanên xwe û banser û şalê
Xeberdidin ew çîroka Xweda û netewa Kurd û avakirina Kurdistanê
Ji Gozana ta Hemûkaran, Sumer, Îlam, Kaş, Mîtan, Sasan û Botanê
Ez roja cilûberg û kincên kurdî lê nazdarê
Li we hemî jinên Kurd pîroz dikim li seranserî Kurdistanê
Neyarên me kurdan xwastin têkbibin çanda me lê Sobarê
Ziman, stran, reqs, edeb, cejn, dîrok, deyn, kevneşop, tore û dîlanê
Û ji holê rakin cilûberg û kincên ciwan wek xwezeya kurdistanê
Lê, ew biserneketin û nejî biserdikvin nehîro û nejî piştî hezarsalanê
Jiber gelê Kurd zîndî û zîndî dimîne wek Ferat û Têgrîs û Çiyayê Sîpanê.
11 – 03 – 2024
++++++++++++++++++++++++++++++
Banser: غطاء الرأس الكوردي الخاص بالنساء
