ئەڤرۆ حەفتێ ساڵ بورین ل شێرزادی
بێ ئێش وئازار دل ژی پڕ شادی
ئەز بووم ل ڤێ رۆژێ دوازدەی گولانێ
ل گوندێ چەم سەیدا کانیا ژیانێ
غەما من ئەوە دویرم ژوەڵاتی
چاڤ ڕێ ل مزگینیێ قەد تو نە ھاتی
دل چار پارچەکر گوھک زکولە
گورگێن بێ ویژدان مە ژیێ خلولە
مار راست نەبیت ناچیت دکونێ ڤە
مێوێ نەچینی تو ناکەی خێڤە
جیھانەك بەرەف نە مانێ دچیتن
بێھنا گەنی ژ بێدادیێ دھێتن
دوو سەنگ و دوو پیڤان ئەو ل کارن
بێ ویژدان بێ مروەت گورگێن ھارن
ھێزا بێ رەوشت ئەو ھەر دێ شکێتن
یێ ڤێ نەزانیت باش دێ ل سەر کێتن
ب مرجا بنگەھا ێد ھەڕفینن
بەختێ خو ھەر رۆژ سێ جار ددڕینن
دەھۆل قوت ئەڤرۆکە ئەو ل بانە
حەف حەف و نڕنڕ رەوینا سانە
ھند لەگلەگینە پوستا دخازن
ھندەک دگەھنێ و ھندەک بێ رازن
رەز نێ پێتڤیە پلخانە کەزاخ
ئەگەر نا دێ ھەر مینن ئاخ وداخ
ئادا برنجی گەلەک یا فەرە
گەرنادەت دانی دێ مینیت گەرە
چڕک و برێما دێ سەر ھەلینن
جوبڕ کێڤژاڵە کەرتکا دڕینن
شڤانەک جامێر گەر نەبیت تەرشی
ھەڕۆ دێ بڕ بیت نێ وەیە بەرشی
سەحکەم جیھانێ تەڤ خوینا سوورە
کوشتن و سووتن ویژدان دبۆرە
گەر ھو بچیتن راستی نەمینیت
تەڤ دێ کاڤل بیت کوند دێ ل سەر خوینیت
ژمێژە من گووت بوو چەک بێ ئەقلیە
گەر ئەو بمینیت ژیان بوچییە
ب دویماھیک دێ ھێت نفشێ مرۆڤا
گەر ئەو بمینیت ددەستێ ڤان ھۆڤا
جیھان پڕ فرەھ ب ئاڤ و دانە
بێ دز و گەندەل تێرا ھەمانە
لێ بەخت رەش دبێن ھەمی بومەیە
وەی بەخت کون کونا ویژدانا سەیە
وەختێ چەم بەربوو ژ دڕک و چەقەلا
دلێ تە پڕ بوو ژ ئاخینک و بەڵا
وی واری ب ھێلە بگەڕھە لجیھانێ
ب شەقینە چۆلا و دەریا دۆمانێ
پشتی تەحلییاو تەقن و برویسیا
ھەر دێ گەش بیتن چرایێ خۆشیا٠
شیرزاد زین العابدین
۱۲/۰٥/۲۰۲٤
