ئەڤرۆ نینە ل ڤێ جیهانێ چ یەکسان و دادوەری
زینێ هەسپا سەد مخابن بکەفتە سەر پشتا کەری
ترسا من هەر ژ یێ نەزانە رۆژەکێ دار بێتە دەست
وەختێ کو تێر جەهو کا خار دێ شەمبۆزبیت حەمشەری
بێ ویژدان گەر بوونە سەروەر چ ئاڤ نا مینن زەڵال
نە تەناهی نە ئاڤاهی نە چ ڕاستی و باوەری
تاوانبار پڕ قەدر و قیمەت چنکو یێ زەنگینە ئەو
وەلەو سەرژیکێ خلولە لێ مۆنیکا ل بەر دەری
چ کەفتە بەر دەڤێ وی خار قەد نابێژیت من بەسە
ها نێزیکە دێ پەقیتن وەیلا خولی پێوەری
قەنج و باش مانە ل پاش ئەو کەس نا بێژتێ مەرحەبا
ئەڤ چ ساڵ و چ زەمانە بەخت و ویژدان هەلوەری
مللەت هوسا دێ بەر بابیت گەر نەچین ل رێکا دروست
فایدە ناکەن پارە و مال نە خانیێن سەد دەفتەری
سەرگێر هەر ب بەز و لێدان دەڤ ژی لێ بەستیە هەر
بنگێرە هەر دان دخۆتن هەمیا کر و ئەو چەری
ها نێزیکە دێ ئاڤ رابیت یێ هات ئەورێ گڕگڕی
دا پاقژکەت ڤان کولانا ێدبووینە تەقن و هەڕێ
رەوشتا باش کردارێن چاک چ جار تو ڤان ژبیر
نەکە
نەبن پڕ بو دوژمنا هوین گوهنەدەن یێ سەرسەری
گەر ئێک نەگرن هەر دێ بێژم جارەکادی وەک بەرێ
تەڕو هشک پێگڤە دێ سۆژن بەر نامینیت ل سەر بەری .
شيرزاد زين العابدين
