Gerdê hebûya me Xwedanek,
Vîkra bikra me Inqiyadek
Tirk,Ereb û Ecem bitemamî,
hemûyan ji mere dikir Xulamî!
Gerdê hebûya me Qehremanek Mîna Melle Carek,
Li tenişta wî hebûya Ronakbîrek mîna Celalek,
Çep û rastê me ji mere dibûn Pepûk û Çêlek,
Gerdê hebûya me ji Kurdan Kurdek,
Ronakbîr, Dilsoz û Palewan,
Wê Jor û Jêr Welatê me nedikirina Talan,
Gerdê tunebûya me gelek partî û komcivîn
Ji Kurdan re pîwîstî nebû ev xwîn rijîn,
Kurd wê bimana li Gund û Bajarên xwe,
Weke Bitlîs û Wan, Kerkuk û Xaneqîn,
Gerdê nebûya me Eşîr,Ol û Stêrka sor,
Rî, Şalik, Fûte bi reng û rengên Reş û Mor,
wê ji destê me neçûya Urfa,Meraş û Mêrgesor,
Gerdê Reweşanbîr,Polîtîkvan û Niştimanperwer,
Rê ji wan re vebûya ta bikin xebata rizgarî
Serxwebûn, Azadî dikete destê me bi hesanî,
Gerdê me hebûya bawermendek,
Vîkra bikra li Sînor bikolana kûr Xendek,
Ji dora û hawîra me diparastin xêra Welat,
Kurdên Kurdistan dibûn xwedî Mal û Xelat
Lê bi Hêviya tenê rizgar nabe Welat,
Gerdê em dest û Milê xwe nedin hev Mîna
Xwîşk, Bira û bi Hêza Çemê Dicle û Ferat,
Emê her û ha bimînin bindest û bê Felat.
Ibrehîm Şitlo
07.08.2023
Canê Ehmedê Xanî hezar û hezar car Şad be.
