Beyar Robarî  –  Şengal

Lo delal .. lo heval

Ticar nare Şengal ji bîr û bal

Ew e ciyê bab û kal

Û motika ola me kurdan bihezar sal

Ciyê ronî, ciyê bîrûbawerî û kaniya zelal

                      ***

Lê narîn .. lê xezal

Şengal warê şêr û şepal

Warê Derwêşê Evdî û Edûla nazdelal

Û Laleşa pîroz dîroka me ye û çand û sîpal

Ew e warê Yazdan û mal

                      ***

Ey Şengala li bal

Ûwarê pîroz û delal

Bawerke tu bi piştî û hem bi pal

Û te dît çawa bezîn hogir û heval

Û şervanên Kurd ji te re bûn pişt û pal

Û rizgarkirin kolan bi kolan û mal bi mal

Û parastin kec û zaro û jin û babên kal

Kurdên me ji Efrîn ta Qendîl neman kor û lal

Rabûn ser pêyan wek piling û şepal

Û berxwedan bimêranî weke hercar lê heval

Û têkbirin neyarê Dahêş ew hirç û hov û sewal.

03 – 08 – 2021