گەلێ منۆ – شيرزاد زين العابدين

ل رویبارێ ئێش و ئازار
هزار جارا دەرباز دبی
ما چەند جارا
ل گەمیا نەحەز و نەیارا
سیار دبی ؟؟
ئەڤ جار بەسە
بڕیاراتە دڤێت تو بی
هەتا کەنگی
دێ هەر نڤی؟
خەوەک سڤک مینا مرنێ
هەتا کەنگی تو نا رابی
نا لڤ لڤی
هەتا کەنگی تو ناشکێنی
ئەڤێ رستێ
ئەڤێ خەونێ
بۆ هێشتا ب وەریسێ خەلکێ
وەریسێ خاڤ و کولکێ
دچی کەڤری ؟؟؟
تە پێ دبەنە ئەسمانی
هەم ئەوری
لێ زوی دکەڤی
جار ل سەر پشتێ و
جار ل سەر دەڤی
وەرن ئەڤ جار ب ڤەهینین
وەریسەکێ کوردینیێ
یێ براتی و ئێکەتیێ
یێ باوەری و هەم راستیێ
تاکە رێکە کو ئەم بگەهینە هویڤیێ
دەم هاتیە
رستا زۆردارا ب پچینین
دەم هاتیە
مێرگ و نزارا ب خەملینین
دەم هاتیە
ل گەل ئاگرێ
پیرە نەورۆزا ڤێ ساڵێ
ل ئامەد و بابە گوڕ گوڕ
ئالا کورد و کوردستانێ
ئەم هلدەین و ب چکلینین .