بعيونك الحلوه بحر
موجات الوان اوصور
الماص ليلو او شذر
لو صوبت.. هذا قدر
يالانت موج او نهر
يا حلو يالانت كمر
يمته تمر ،، راح العمر
وينه العمر
بعيونك الحلوه سحر
نجلاء تكتل كتل
كهرب عسل كالو شهل
لون الرطب وسط النخل
لاگ الشعر بيهن زجل
شعبي فصيح او نثر
ياحلو يالانت گمر
كلشي عبر راح العمر
وينه العمر
بعيونك الحلوه دلال
يالانت زين الخصال
رمشك سهم صاب الگلب
غار اوزعل ميل الكحل
بيهن سحر رمز الجمال
الماس اوعقيق اويسر
حوراء تأسر اسر
راح العمر.. عـدّه العمر
وينه العمر
بعيونك الحلوه عتاب
بسنين المضت تاه الجواب
حچيك صدگ مدري چذب
واليتبعك يلگه سراب
لا ماي بيه اولا نهر
امضيع طريقه اويمر
راح العمر وينه العمر
عده العمر
…………………………
آيار / 2026
ســـــتوكهولم
احسنت وابدعت في حياكة هذه القطعة الجميلة من الشعر. مفردات بسيطة، عبارات سلسلة ناعمة سهلة على السمع والبصر و الاحساس، لا يوجد فيها غموض وطلاسم وحزورات في المعاني، وهي واضحة لا تحتاج إلى تاويلات واجتهاد. احب هذا النوع من القصائد، من النوع السهل الممتنع الذي تحتاج هندسته إلى مهارة حرفية عالية.