Zivistan – Sherzad Zeynelabidin

 

Befrek dihêt hîr û nerim
Girtin ban û deşt û zevî
Hat zivistan birha gerim
Kewa barkir (Hudhud) revî
Ne (mêşxurînk) evro hene
Ne (kûk) li daristana dikenît
Ne (hecîreşk ) li mala mene
Da ber kaşxankêt me bihunît
Hevrist spî bûn wekî bûka
kirasê nû yêl berkirî
Çiya pîr bûn hosa zûka
Wextê ku berfê lê kirî
Pirçê biya li ser rûbarî
lûlaqe vêda hat ne xar
Dê bêy ku şekra lê kirî
F’ avê dikevin ew car û bar
Evro çûçik di şepirzene
Çi tişt nîne ku ew bixon
(Tehle) û (garis) jî di berzene
Lewma bir, bir hêrve diçon
Pîrejina jî pit pite
Dibêjin dayê vê zeyqetê
Pîrê kal jî herê mite
Derê sopê bi gazka ketê
Bi tinê zarok di girnijin
Çaxê befir di barîtin
Li ser mila di hel peqijin
Gava dewsa kewa dîtin
Hemî pêkve çûn karkewê
Hem rava kêvrîşk û gura
Her êvarî di kevne xewê
Li gundî vemirhan tev çira.
mêşxurînk=balindeke zirkêtk û mêşen hingivî dixwin. Hecîreşk =balindeke biharê dihêt hêlînkên xo li ber kașxanka çê dikin.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *