وهرن گوه بدهن حالێ مه کوردا
چما دمينين بێ ملك و مهودا ؟
بوچي ب تنێ ئهم هوسا دژارين
تهڕاو بهڕاێن ههر چار کهنارين
نه تهڤ دنهزان و بێ ملك و حالن
لێ د کهس پهرست و بو پارا دکالن
حهيفه تو بکوژي براي بو پارا
ئان تو بگڕنژي بو کورد نهيارا
گهر چي ئهم کورد هێشتا هو ماينه
ل بهر بايێ خهلکي ئهم قرش و کاينه
نهحهزێن يهکتر دوژمن پهرێسين
هريا مه خاڤه خهلهت دڕێسين
يێ کو مه بڤێتن ههر مافێ مهيه
ما ژبلي راستيێ ما چ دي ههيه ؟
دهوك و ئامهد ئهفرين و سنه
بهختێ دوژمني حهفتێ و حهفت کونه
کو ژێك ڤهکرن چار خويشک و برا
يێ ل مه دههڕێفن تهڤ رێك و پرا
ما کهس نهمايه ل ئهڤێ جيهانێ
پيچهك ب ويژدان نهکهت زيانێ ؟
جارهك بنێڕيت حالێ مه کوردا
ههردهم ل مهشهڤه تاري ب سهردا
ژ ههڵهبچه رابوون هاوار و فيغان
ئامهد دناليت ژ توخمێ خاقان
سهردهشت و بانه ههرێ دکهن گازي
کوردين هوين رابن ههڕن ل پهي قازي
قاميشلو ، ئهفرين مانه بريندار
ژ دهست نهمهردي رويڤيێ غهددار
قهد چ باوهري م بکوردا نينه
جارهك ببن ئێك ، نهبێن يێ دينه
پشتي م ديتين ئهنفال و کوشتن
زاڕۆك و لاندك هاتينه سوتن
ئهم ژێك بهڵاڤ بووين هاتين بشافتن
ل بهر سڕ و سهرما ناهێين نخافتن
هند ژي بساخي برن بن ئاخێ
هێشتا کورد پيچه ك نادهن خو زاخێ
چما نابن ئێك بکهن خهباتێ
بو سهرخوهبوونێ رێکا نه جاتێ٠٠
شێرزاد زين العابدين
06/01/2005
