گوندێ منۆ
بیرا م دهێت
قەرفا گارسی و شەڤەڕۆک
دەنگێ کەو و مازی چنا
ئەو دلدارا دگووت حەیرانۆک
ل سەر حەلانا
دان قوتان بوو
هەم کەلاندنا دانیکا
کانیکا ئەیشێ زوزان بوو
ل گەڕ زڤڕکێ
خوە تێخست ئاڤێ بچویکا
گارس ژ کارێ دهاتە خارێ
همبانک دتژی نیسک و نۆک بوون
هند پڕ دەخلن بوو ساڤارێ
هند پڕ تەحلە و هەم گەنمۆک بوون
لینکێ قەلیێ ل بن ستێڕکی
ژ رەخڤە جەڕێ ڤێ دۆشاڤێ
جارنا هرێن دکەتە گڕکی
بەقە بەقا جەڕێ ئاڤێ
هەم گەڵوازێن ڤان هژیرا
دیز ژی دپڕبوون ژ خوەشاڤێ
بهو هنار دبوون تلۆڤە
بێهنا شرین دکەتە خانی
پێ گەش دبوو ژینا مرۆڤە
دەنگێ دیکا دچوو ئاسمانی
چ ئاوازەک هەیە خۆشتر
ژ دەنگێ رەشوێلا ل بهارێ ؟
چ ئاواتەک هەیە فەرتر
کو ئەو بگەهیتە دلدارێ ؟.
شێرزاد زین العابدين
دیوانا : -ژ کویراتیا غەمێن بێدەنگ.
