*(سبيل يا عطشان)
بلوه ابتلينه ابـ إيران
افلوس الخزينه الطهران
-(السوريـّـه) اشكال الوان
حزب الله نـِـعـَـيشـَه ابلبنان!
والشعب مفلس جوعان
ذل اومهانه وي قهر
گالوا سريع النسيان
بلوه ابتلينه ابـ إيران
سبيل يا عطشان
***
بالنفط صاحوا فرهود
حصـَّه الـ (مصر) والـ عمان
والساسه تهمش واتبوگ
بالنهب شـَـرْعـَوا بيبان
الـ (بيروت) حصـَّه امعتبرَه
هم حصه .. (لفغانستان)
-(والحوثي) مدري اشكثر
تتقاسم الباقي الغمان
بلوه ابتلينه ابـ (إيران)-
سبيل يا عطشان
***
نواب كلهه ملينت
حصـَـتـْهـَه حصت أسـد
منهوبه ثروتنه نهب
احزاب ما تشبع أبد
شعيط وامعيط الكرف
والوطن راح انجرد
صاير خرابه اوتربان
بلوه ابتلينه ابـ إيران
سبيل يا عطشان
***
اتعلمنه نغسل الدموم
واللحم غطـَّه الحيطان
بيسَـوا ابولدك يا شعب
كاتم .. خطف للشبان
موده جديده يا شعب
ابمرضاك (شعلوا نيران)-
ليوين تنهض يا شعب؟
تطلع اوتِـعـْلِن عصيان
اتحرر اوتنقذ موطنك
من ايد كلمن خوان
كافي حرب كافي قتل
جوع او مهانه اوطغيان
كافي….
——————————
*(سبيل يا عطشان):- وتعني مبذول للجميع بلا مقابل
——————————
1/آيار/2021
ســـــــــــــــــــــتوكهولم
الشاعرة الفاضلة ميسون نعيم الرومي
تحية
كالمعتاد، أحسنت.
للاطلاع:
د. عبد الخالق حسين : متى يتخلص العراق من الهيمنة الإيرانية؟ https://akhbaar.org/home/2021/3/280651.html
“متى ينتبه العالم إلى خطر الفاشية الإيرانية؟”https://akhbaar.org/home/2020/8/274751.html
http://sotkurdistan.net/…/%D9%86%D9%8A%D8%AC%D8%B1%D9…/ ايران والفرس وما بينهما
محمد توفيق علي