هەلبەست بومن دل و مانن
هەلبەست بو من کول و ژانن
هەم یار و روناهی و دوستن
هەم خودانن
هەلبەست بو من هەم بهار و پاویزن
بەهەشت و دۆزەخن
جیهانەکا ژ رەنگایە
یا ئاوات و ئاوازایە
پەریەکا ب خەمل و رەنگینە
ل سەر تەختێ ئەڤی دلی
یا نهشتی و پالدایە
هەلبەست بو من
بیرهاتنا دەنگێ تەیە
هەلبەست بو من
هەر پەیڤەکا ناڤێ تەیە
هەلبەست بو من
پسیارەکا بێ بەرسڤە
یا ل سەر دێم و لێڤێن تەیە
رویبارەکێ هویڤی و خەم و ئومێدایە
سترانەکا بایە
ل بەر چەلێن بەرز و بلند
سیمفونیا کەڤر و کاژایە
یا سپیندار و [ هەڤرستایە]
دار کەڤووت و کەزانایە
لێ دلێ ژار ل ڤێ بهارێ
پڕی ژانەو پڕی تایە.
٢٢/٣/٢٠١١
شيرزاد زين العابدين
